“Хилчин” спорт хорооны даргаар М.Баяржавхланг томилжээ

Б. Гүнжид:
Монголчуудын амьдрал- Мэдээ мэдээлэл

2021-04-21, 1052

Монгол Улсын гарьд Махгалын Баяржавхланг Хил хамгаалах ерөнхий газрын “Хилчин” спорт хорооны даргаар томилжээ. Мөн Зэвсэгт хүчний жанжин штабын дарга Д.Ганзоригийн тушаалаар Завхан аймгийн Нөмрөг сумын харьяат, улсын гарьд М.Баяржавхланд хурандаа цол олгосон байна.

Ташрамд дурдахад, М.Баяржавхлан үндэсний бөхөөр барилдаж 2001 онд зургаа давж улсын өсөх идэр начин болж, 2003 онд зургаа давж улсын харцага цол хүртсэн. Улмаар 2006 онд долоо давж улсын заан, 2011 онд найм давж улсын гарьд цол хүртсэн. 2012 онд зургаа давж Цогт гарамгай чимэг хүртсэн аж. Тэрбээр, 2008 оны Бээжингийн олимпын нээлтэд Монголын багийн тугчаар жагсаж тус олимпын жүдо бөхийн хүнд жинд оролцож, эхний даваандаа Польшийн Януш Войнаровичид 24 секундэд цэвэр ялагдан тэмцээнээ дуусгаж байжээ.

“Хилчин” спорт хорооны даргаар М.Баяржавхланг томилжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид