Сэлэнгэ аймгийн Баянгол сумын Баян багийн Чойжингийн-Ар гэдэг газар сумын төвөөс зүүн хойд зүгт 22 км-т хээрийн түймэр гарсан тухай дуудлагыг өчигдөр 15:01 цагт Онцгой байдлын газарт ирүүлжээ. Дуудлагын дагуу тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчид 20 км зам туулан 16:00 цагт очиход орон нутгийн иргэд ажиллаж унтраасан байжээ. Уг гал түймэрт 4.5 га талбай шатсан байна.