Монгол Улсад цар тахлын нөхцөл байдал хүндэрч байна. Өнгөрсөн 24 цагийн байдлаар 1311 хүнээс коронавирусийн халдвар илэрч, хоёр хүн нас барсан. Халдвар авч, биеийн байдал нь хүндэрч буй хүмүүсийн тоо эрс нэмэгдэж буй энэ үед өвчтөнүүдэд зориулсан амьсгалын аппаратын хүрэлцээ ямар  байгаа талаар ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяраас тодрууллаа.

        Тэрбээр “ Манай улсад уушги орлуулах аппарат хоёр байгаа. Удахгүй нэг аппарат нэмнэ. Хаанаас оруулж ирэхийг мэдэхгүй байна. Уушги орлуулах аппаратыг олноор оруулж ирэх шаардлагагүй. Гол нь ажиллуулах эмч, ажилчдын нөөц бололцоо чухал. Одоо хэрэглэж буй хоёр төхөөрөмж нь өнөөгийн нөхцөлд боломжтой гэж үзэж байгаа. Тооноос илүү чанар чухал. Тус аппаратыг нэг хүнд 30-40 сая төгрөгөөр залгадаг. Бүх хэрэгслийг гаднаас оруулж ирдэг. Энгийн аппарат биш” гэлээ.