Таван ханатай гэр шатсаны улмаас 50 настай эмэгтэй амиа алдаж, зургаан хүн түлэгдсэн талаар ОБЕГ-аас мэдээллээ. Хэргийг тодруулбал, Нийслэлийн Сонгинохайрхан дүүргийн 11 дүгээр хороонд гэр шатаж байна гэсэн дуудлагыг өчигдөр 12:41 цагт өгсөн байна.

Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 5.5 км замыг туулан 12:50 цагт очиж иргэн М-ийн таван ханатай гэр шатаж байсныг 20 минут ажиллаж унтраажээ. Гал түймэрт иргэн М 50 настай, эмэгтэй  амиа алдаж, иргэн М 55 настай, эрэгтэй, М 55 настай, эмэгтэй, Б 33 настай, эмэгтэй, О 45 настай, эрэгтэй, М 49 настай, эмэгтэй, Г 44 настай, эмэгтэй түлэгджээ. Галын улмаас түлэгдэж, гэмтсэн иргэдийг НТТТ-ийн 103-ийн эмчид хүлээлгэн өгсөн байна.

Эх сурвалж: ОБЕГ