Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн байранд коронавирусийн халдвар илэрчээ. Тиймээс дөрөвдүгээр сарын 19-26-ны өдрийг хүртэл шүүхийн байранд нэвтрүүлэхгүй болжээ.

Халдварын тохиолдол илэрсэн үед Улсын онцгой комиссын шуурхай штаб, Баянзүрх, Сүхбаатар, Чингэлтэй дүүргээс өгсөн зөвлөмж, зааврын дагуу тус шүүхийн шүүгч, захиргааны ажилтнууд гэртээ тусгаарлагдан халдвар хамгааллын дэглэм сахих, биеийн байдлыг тандах, шинжилгээнд хамрагдах аж. Мөн ариутгал, халдваргүйжүүлэлт хийх тул үйл ажиллагааг нь түр хугацаанд зогсоосон байна.