Нийслэлийн Хан-Уул дүүргийн 13 дугаар хороо, Шувуун фабрикийн чиглэлийн авто замын хажуу руу шатахуун тээврийн том оврын автомашин унаж гурван тонн дизель түлж асгарчээ.

Онцгой байдлын ерөнхий газар тус дуудлагыг өчигдөр 21:19 цагт хүлээн авчээ Тус дүүргийн Онцгой байдлын хэлтсийн Гал түймэр унтраах, аврах 65 дугаар ангийн алба хаагчид 6.5 км зам туулан 21:30 цагт очиход иргэн Б-ын жолоодож явсан “ВНЛ64Т300” загварын 12 тонн дизель түлш тээвэрлэж явсан шатахуун тээврийн автомашин авто замын хажуу руу унаж, асгарсан гурван тонн дизель түлшийг элс, шороо асган саармагжуулж дөрвөн цаг 30 минут ажилласан хэмээн ОБЕГ-аас мэдээллээ.