Иргэд алт олборлох, хайх, бугын эвэр түүх зорилгоор хилийн бүс, зурваст нэвтрэх зөрчил нэмэгдэх болжээ. Тодруулбал, хилчид гуравдугаар сарын 29-ээс дөрөвдүгээр сарын 04-ны хооронд Говь-Алтай, Баянхонгор, Сэлэнгэ аймгийн 22 иргэн гар аргаар алт олборлох, хайх, бугын эвэр түүх зорилгоор хилийн бүс, зурваст зөвшөөрөлгүй нэвтэрч хил орчмын дэглэм зөрчсөнийг илрүүлсэн байна. Тухайн зөрчлийг хууль зүйн хүрээнд шийдвэрлэсэн байна.

 

Мөн Баян-Өлгий, Сүхбаатар, Дорнод аймгийн иргэдийн 62 тооны мал улсын хилд тулж, хариулгагүй бэлчээрлэж байсныг илрүүлж, малыг эзэнд нь хүлээлгэн өгснөөр иргэдэд учирч болох 43.4 сая төгрөгийн хохирлоос сэргийлсэн байна.