Загастайн давааны автозам дөрөвдүгээр сарын 10-11-ний шилжих шөнө орсон цас, цасан шуурганы улмаас хаагдсаныг нээж засаж сайжруулсан байна. Цасны зузаан зорчих хэсэгтээ 30-120 см хүртэл тогтсоноос автозам хаагдаж, чөлөөтэй зорчих аргагүй болсон байжээ. Тиймээс компанийн ажилчид шуурхай арга хэмжээ авч авто ачигч, авто грейдер, үйлчилгээний авто машин гэсэн техник хэрэгсэлтэйгээр ажиллаж автозамыг нээсэн аж. Мөн автомашинууд цасанд боогдсоныг шуурхай арга хэмжээ авч нэвтрүүлсэн гэж "Пирамид проект" ХХК-аас мэдээлсэн байна. Загастайн давааны автозам нь Улаанбаатараас Завхан аймаг руу нэвтэрдэг улсын чанартай гол зам юм.