Засгийн газрын гишүүд сэтгүүлчдийн асуултад хариулж байна. 

-Засгийн газар вакцинжуулалтын ажлыг эрчимжүүлнэ гээд хөл хорио тогтоосон. Гэтэл одоо вакцин хийх боломжгүй гэлээ. Вакцинаа хийхгүй бол хөл хорио тогтоох шаардлага байна уу. 192 мянган тун вакцин байгаа бол дөрөвдүгээр сарын 10-28-ны хооронд хоёр дахь тунгаа хийж болдоггүй юм уу?

Шадар сайд С.Амарсайхан

-Хэвлэл мэдээллийнхнээс үнэн бодит мэдээлэл хүргэхийг хичээж ажиллахыг хүсье.Дэлхий нийтээрээ өвчинтэй тэмцэж байна. Вакцины  уралдаан хаа сайгүй өрнөж байна. Хөл хорио үр дүнтэй байх ёстой. Цар тахлаар бид тоглоогүй. Бодит нөхцөл байдал ийм байна. Бид бүх талын арга хэмжээг авч, эрсдэл байгаатай даван туулахаар ажиллаж байна. Хөл хорионы үед тавдугаар сарын 1 хүртэл нийслэлийн насанд хүрэх иргэддээ нэгдүгээр тунг дуусгахаар төлөвлөсөн. Одоо 68 цэгт вакцинжуулалтын ажлыг эхлүүлсэн. Цаашдаа 160 цэгээр вакцин хийнэ. Бид өөрсдөө ханган нийлүүлэгч биш, үүнийг иргэдээс нуух шаардлагагүй

Эрүүл мэндийн сайд С.Энхболд 

-192 мянган тун вакцин нөөцөд байгаа. Синофарм үйлдвэрийн вакцины хоёр дахь тунг өчигдрөөс хийсэн. Хатуу хөл хорионы үед вакцинжуулалтын нийлүүлэлтийн хугацаа хойшилсон. Нийт 850 иргэн хоёр дахь тунг тариулсан. Вакцины нэг, хоёр дугаар тунг 14-21 хоног  гэдэг нь олон нийтийн хамарсан тохиолдолд ойртуулдаг дэлхийн жишиг бий. 

-600 тун вакцин ямар шалтгаанаар  хойшилсон юм бэ?

-Хандив тусламжаар вакцин ирсэн. Бас худалдаж авч байгаа. БНХАУ-аас 12 сая ам.долларын үнэ бүхий 300 тун вакцин ирсэн. Мөн 300 мянган тунг худалдан авсан. Мөн КОВАКС-ын шугамаар орж ирсэн АстраЗенекагийн 14700, ПФазерийн 24750 тун вакцин орж ирээд байгаа. Төр хувийн хэвшлийн 10 мянган Спутник-V гээд 800  мянган вакцин орж ирсэн. Вакцин хойшилсон нь зарим улс орон дотооддоо иргэдээ вакцинжуулахаар гэрээ цуцалж байгаатай холбоотой. Бид гэрээ хийсэн ч үйлдвэрлэлийн хүчин чадлаас шалтгаалж хойшилсон. Хэдийгээр олон хоног хойшилж байгаа ч асуудлыг бид шийдвэрлэж байна. Дөрөвдүгээр сарын 9,12-нд ирэх вакцин нь Синофарм үйлдвэрийн вакцин байсан. Нөөцөд дөрвөн төрлийн вакцин байгаа. Дөрөвдүгээр сарын 10-28-ны хооронд 207 мянган хүн давтан тун авах байсан.

-Дөрвөн төрлийн 192 мянган тун вакцинаа задлаад танилцуулахгүй юү?

-192 мянган тун вакцин үлдсэн. И-баримт дээр бүртгэгддэг тоо шүү. Синофарм 367 мянга, Спутник 9074, АстраЗенека 13366, ПФазер 19031 ширхэг вакцин үлдсэн