• Өнөөдөр 2021-04-18

Ц.ГАНЗОРИГ: Коронавирусийн халдвартай иргэний ойрын хавьтлыг үнэ төлбөргүй тусгаарлана

2021-04-08,   97

Улсын Онцгой комиссын Шуурхай штабын дарга Ц.Ганзориг энэ сарын 6-ны өдөр “Коронавирусийн халдварын батлагдсан тохиолдлын  ойрын хавьтал болсон иргэн хүсэлт гаргаж, долоо хоног тусгаарлан, ажиглах байранд төлбөрөө төлөөд байрлаж болно хэмээн мэдээлсэн. Харин өнөөдөр тус мэдээлэлд залруулга хийлээ. Тэрбээр “Түр журмын 2.1-д батлагдсан тохиолдлын ойрын хавьтлыг өөрийн хүсэлтээр нь тусгаарлан ажиглах байрны төлбөрийг төлүүлж, долоо хоног тусгаарлан ажиглана гэсэн заалт байсан.  Харин эрүүл мэндийн тухай хуулийн 26.4.4 дэх заалтаар нийгмийн эрүүл мэндийн үйл ажиллагаа, нийтийг хамарсан халдварт өвчний дэгдэлтийн үед эрүүл мэндийн тусламж үйлчилгээг Монгол Улсын иргэнд үнэ төлбөргүй үзүүлнэ гэх хуулийн заалттай зөрчилдсөн байна. Тиймээс иргэд та бүхэнээс  өмнө өгсөн мэдээлэлд залруулга хийж, хүлцэл өчье. Батлагдсан тохиолдлын ойрын хавьтлыг тандалт, судалгааны багийн санал болон тухайн хүний хүсэлтийг харгалзан үзэж тусгаарлах байранд үнэ төлбөргүй долоо хоног тусгаарлах боломжтой” гэв.

 


Ц.ГАНЗОРИГ: Коронавирусийн халдвартай иргэний ойрын хавьтлыг үнэ төлбөргүй тусгаарлана
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414