Булган аймгийн Булган сумын Засаг дарга “Цэвэр орчин-цэмцгэр Булган” аяныг энэ оны есдүгээр сарын 5-ны өдөр хүртэл зохион байгуулахаар шийдвэрлэлээ.

Бүх нийтээр хог хаягдал цэвэрлэх, ногоон байгууламж нэмэгдүүлэх, иргэдийг эрүүл, цэвэр орчинд амьдруулах зорилготой энэ ажлыг жил бүр уламжлал болгон зохиож хэвшиж байгаа юм. Сумын нутаг дэвсгэрт үйл ажиллагаа явуулдаг аж ахуйн нэгж, байгууллагад эзэмшил газрынхаа эргэн тойрон 50 метр, гэр хороолол, орон сууцны айл өрхөд орчны хог хаягдлаа тогтоосон цаг хугацаанд цэвэрлэхийг сумын Засаг дарга үүрэг болгожээ.