Өчигдөр орой 21:00 цагийн орчимд МҮОХ-ны Ерөнхийлөгч Н.Түвшинбаяр өөрийн сайн найз, Монгол Улсын начин Э.Энхбатыг зодсон хэрэг гарсан. Тэр үед нэр бүхий хүмүүс хамт байсан бөгөөд энэ хэргийг гэрчилнэ гэж Э.Энхбатын эхнэр мэдэгдээд буй.

 Тэгвэл энэ хэргийн талаар "Херо"-гийн Б.Баатараас тодруулахад "Би Н.Түвшинбаяр, Э.Энхбат хоёрыг хоорондоо муудалцаж, зодоон болж байхад байгаагүй. Зодоон болсоны дараа тэнд байсан хүмүүс мэдэгдэж, бид очсон. Биднийг очиход цагдаа нар ирчихсэн байсан. Намайг очиход Н.Түвшинбаяр аварга сууж байсан. Хэзээ тэндээс гарсныг нь би мэдэхгүй. Цагдаагийн газраас тодруулах нь зүйтэй. Харин түргэн тусламжийн машин ирэх үеэр бид Э.Энхбатыг өргөж, машинд суулгасан. Хэрэв би хажууд нь байсан бол юу гэж хараад сууж байх билээ. Хоёулаа л миний хайртай дүү нар шүү дээ. Юунаас болж ийм зүйл болсоныг мэдэхгүй байна " гэсэн юм.