Тээврийн цагдаагийн албанд ажлын өдрүүдэд 815 дуудлага мэдээлэл ирсэн байна. Үүнээс тээврийн ослын шинжтэй 553 дуудлага мэдээлэл бүртгэгджээ. Бүртгэгдсэн зам тээврийн ослын улмаас дөрвөн хүн гэмтэж, ноцтой зам тээврийн ослын улмаас орон нутагт нэг хүний амь хохирчээ. Тухайлбал, гуравдугаар сарын 30-ны өдрийн 1:00 цагийн орчимд Дорноговь аймгийн Айраг сум  I баг Хавцлын худаг гэх газар шороон замд улсын дугааргүй Dayun маркийн мотоцикл онхолдож, жолоочийн амь хохирсон.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон нийт 202 зөрчил илрүүлсний 152 нийслэлд, 50 орон нутагт тус бүр бүртгэгдэж хуулийн дагуу хариуцлага тооцсон байна.