Иргэн Г.Мөнхжаргал цэрэгт яваад амиа алдсан залуусын эсрэг Төв талбай дээр нүцгэн зогсож, эсэргүүцлээ илэрхийлсэн юм. 

Тэрбээр "Би цэрэг амиа алдсан залуусын төлөө цээж нүцгэн цагийн турш гадаа зогсоно. Хүний амийг үнэлдэг яасан их мөнгөтэй хмүүүс вэ. Би хүүгээ цэрэгт явуулна гэхээс эмээж байна. Цэрэгт хүнийг үхтэл зодчихоод эцэг эхэд нь таван жилийн цалингийн мөнгө өгнө гэж ярьж болохгүй. Төр засаг нь чив чимээгүй байна. Үүнийг би эсэргүүцэж байна. Дайнд яваад амиа алдсан бол хамаагүй. Эх орон, хайртай хүмүүсийнхээ төлөө амиа зольдог. Нэг жилийн цэрэг ийм яргатай байж болох уу. Ямар аймшигтай юм бэ. Ийм зүйл болчихоод байхад яагаад хэн ч дуугарахгүй байгаа юм" хэмээлээ.

Гэтэл түүний эсэрүүцлийг цагдаа нар зогсоож, Сүхбаатар дүүргийн I хэлтэс рүү авч, мэдүүлэг авч байгаа юм байна.