Зэвсэгт хүчний 326 дугаар ангийн салаан дарга архи ууж, согтуурсан үедээ цэргээ зодсон хэрэг гарсан. Амиа алдсан байлдагч Б Төрийн тусгай албан хаагчдын нэгдсэн эмнэлгийн Эрчимт эмчилгээний тасагт эмийн эмчилгээ хийлгэж байгаад өчигдөр 23:15 цагт нас баржээ. Онош нь тархины цус харвалт, төвийн гаралтай амьсгалын дутагдал, зүрх судасны дутагдал, уушгины хатгалгаагаар нарсан барсан гэж тогтоогдсон байна.

Тэгвэл Зэвсэгт хүчний 326-р ангийн захирагч, хурандаа С.Батболдыг ажлаас нь чөлөөлж, хурандаа Н.Отгонбаярыг тус ангийн захирагчаар томилжээ. Энэ талаар Зэвсэгт хүчний 326-р ангийн захирагч, хурандаа С.Батболдоос тодруулахад “Манай ангид өнөөдөр ЗХЖШ-аас албаныхан ирж ажиллаж байна. Би ажлаа хүлээлгэж өгсөн” гэлээ.