Дархан-Уул аймагт сүүлийн 24 цагт 377 сорьцод шинжилгээ хийхэд гурван хүнээс коронавирусийн халдвар илэрч, нийт батлагдсан тохиолдол 58 боллоо. Эдгээр гурван иргэн тусгаарлалтад байсан бөгөөд нэгнийх нь долоо дахь хоногийн давтан шинжилгээнд халдвар илэрлээ. Ерөнхий боловсролын 15, 9, "Од" цогцолбор сургуулиас хоёр сурагч, нэг багш хавьтал болж, халдвар авсан байна. Халдвар авсан сурагчдын ангийхан болон багш нарыг шинжилгээнд хамруулах, тандалт судалгааг зохион байгуулж байна.

Батлагдсан тохиолдлуудын ойрын хавтлын 972 хүн тусгаарлалтад байна. Үүнээс гэрийн ажиглалтад 760, ажиглан тусгаарлах байранд 212 хүн байгаа аж. Тэдний халдвар авсан дөрвөн голомтын нэг нь Өвөрхангай аймгийн “Сэмжид-Хужирт” сувилалаас үүдэлтэй. Мөн Улаанбаатар хотоос энэ сарын 1-ний өдрөөс хойш ирээд буцсан халдвартай иргэн түүнээс үүдэлтэй гурван голомт байгаа аж.