Нийслэлийн 39 цэгт өнөөдөр коронавирусийн халдварын эсрэг дархлаажуулалтыг хийж байнэ. Тус цэгүүдэд нийт 91 багийн 634 эмч, ажилтан ажиллаж байгаа аж. Нийслэлийн хэмжээнд өчигдөр буюу гуравдугаар сарын 26-нд дархлаажуулалтын 41 цэгт  96 багийн 674 эмч, ажилтан ажиллаж, 12133 хүнийг коронавирусийн халдварын эсрэг дархлаажуулалтад хамруулжээ. Одоогийн байдлаар Монгол Улс 260961 хүнийг вакцинжуулалтад хамруулаад байна. Мөн Өмнөговь аймгийн 10 суманд 430 хүнийг вакцинжуулж, нийт 8439 хүнийг дархлаажуулаад байгаа аж.