Шүүхийн шийдвэр гүйцэтгэх ерөнхий газрын харьяа “Баривчлах байр”-нд гэр бүлийн маргаан, согтуугаар тээврийн хэрэгсэл жолоодсон, зөрчил гаргасан зэрэг шалтгааны улмаас иргэд 7-14 хоног саатуулагддаг.

Тэгвэл загвар өмсөгч С.Эрдэнэцогт гэр бүлийн маргааны улмаас Зөрчлийн хуулиар торгуулж, “Баривчлах байр”-нд 14 хоног саатуулагдсан талаараа ярьсан билээ. Мөн тэрбээр тус байранд төлбөртэй өрөөнд байсан хэмээсэн юм. Бид ШШГЕГ харьяа “Баривчлах байр”-ны албаны утас руу залгаж, ор хоногийн төлбөр хэд байдаг талаар тодрууллаа.

“Баривчлах байр”-нд саатуулагдсан иргэн хоногийн 35-45 мянган төгрөгийн төлбөр төлж, ганцаараа байх боломжтой. Ингэхдээ тусдаа хоол идэх бол 45 мянган төгрөг төлнө. Харин нэмэлт хоол авахгүй тохиолдолд 35 мянган төгрөг төлнө” гэв.