Сүхбаатар дүүргийн Нийгмийн даатгалын хэлтсийн байцаагч А.Гунгааноров нь татвар төлөгч аж ахуйн нэгжээс "Надад хаялга байхгүй юу" хэмээн  авлига нэхсэн үйлдлийг өчигдөр эдийн засагч Л.Наранбаатар олон нийтийн цахим сүлжээнд ил болгосон.

Тодруулбал, Сүхбаатар дүүргийн НДХ-ийн дарга тушаал гаргаж, А.Гунгааноровыг Төрийн албаны тухай хууль, Авлигын эсрэг хуульд  үндэслэн ажлаас нь чөлөөлсөн байна. Харин Хөдөлмөр, нийгмийн хамгааллын сайд А.Ариунзаяа өөрийн цахим хаягтаа "Манай салбарт өнөөдөр доргилт болов. Мянга мянган хамтран ажиллагчдынхаа нэр төрийг унаган ёс зүйгүй үйлдэл гаргаж хууль зөрчсөн Нийгмийн даатгалын байцаагчийн талаар баримт, мэдээлэл гарч, ёс зүйн хороо ажиллаж, даргын зөвлөл хэлэлцэж ажлаас чөлөөлөх тушаал гарав" хэмээн бичиж, хариуцлага тооцсон тухай мэдээлсэн юм.