Манай улс Ковакс хөтөлбөрийн хүрээнд 25740 тун “Pfizer” вакциныг өчигдөр хүлээн авсан аж. Уг вакцинд хамрагдах боломжтой хүмүүсийн талаар ЭМЯ-ны хэлтсийн дарга Г.Болдмаа мэдээлэл өглөө. Тэрбээр “Зорилтот бүлгийн иргэдийг “Pfizer” вакцинаар дархлаажуулна. Гемодиализд ордог 690, эрхтэн шилжүүлэх мэс засал хийлгэсэн 1547, ХДХВ-ийн халдвартай 260, хавдартай 10373 нийт 12870 хүнийг эмчийн зааврын дагуу  дархлаажуулна” гэлээ. “Pfizer” вакциныг 18-аас дээш насныхан 21 хоногийн зайтай 0.3 миллилитр хоё тунг хийлгэх юм байна.