АТГ-ын Олон нийтийн зөвлөлийн дарга Г.Баасан болон түүний нөхрөөс коронавирусийн халдвар илэрсэн гэх мэдээлэл цахим орчинд түгээд байгаа билээ. Энэ талаар АТГ-ын Олон нийтийн зөвлөлийн дарга Г.Баасангаас тодрууллаа. Тэрбээр “Манай нөхрийн уушиг нь устсан, уушгины хатгаатай. Өчигдөр бие нь өвдөөд Улсын гуравдугаар төв эмнэлэгт очиж үзүүлсэн. Тэгээд зүрхний бичлэг хийлгэж, коронавирусийн шинжилгээ өгсөн юм. Гэтэл 15:00 цагийн үед манай нөхрийн шинжилгээний хариу эерэг гарч, тусгаарласан Одоогоор эмнэлэгт эмчлүүлж байгаа. Харин миний шинжилгээний хариу гараагүй байна. Гэтэл цахим орчинд намайг коронавирусийн халдвартай хэмээн тарааж байгаад гайхаж байна. Би нөхрийнхөө ойрын хавьтал тул гэртээ хоёр хүүтэйгээ тусгаарлагдсан. Би уржигдар Баянзүрх дүүрэгт очиж, шинжилгээ өгсөн. одоо хүртэл миний шинжилгээний хариу гараагүй байгаа. Нөхрийгөө хаанаас халдвар авсныг мэдэхгүй. Уушигны өвчтэй учраас коронавирустэй гэж гарсан байж магадгүй” гэлээ.