Өчигдөр Говьсүмбэр аймгийн Баянтал суманд 5.5 магнитудын хүчтэй газар хөдөлсөн аж. Энэ талаар Одон орон геофизикийн хүрээлэнгийн газар хөдлөлтийн судалгаа хариуцсан мэргэжилтэн А.Мөнхсайханаас тодрууллаа. Тэрбээр “Өчигдөр монгол оронд 500 гаруй газар хөдөлсөн. Үүнээс хамгийн хүчтэй буюу Говьсүмбэр аймгийн Баянтал сумаас хойш 16 км-ийн зайд 22:46 цагт 5.5 магнитуд хүчтэй газар хөдөлсөн. Улаанбаатар хотоос 163 км-ийн зайнд болсон газар хөдлөлтийн чичирхийлэл 2-3 баллаар мэдрэгдсэн. Мөн Дундговь аймгийн ихэнх сум, Говьсүмбэр аймгийн сумдад газар хөдлөлтийн чичирхийлэл мэдрэгдсэн байна. 5.5 магнитудын хүчтэй газар хөдлөлтөөс хойш 70 орчим чичирхийлэл мэдрэгдсэн. Говьсүмбэр аймгийн онцгой комиссоос газар хөдлөлтийн нөлөөгөөр ямар нэг хохирол учраагүй гэж мэдээлсэн” гэлээ.