Монгол хүн сансарт ниссэний 40 жилийн ойг тохиолдуулан Монгол Улсын Ерөнхий сайд Л.Оюун-Эрдэнэ БНМАУ, ЗХУ-ын баатар, Александр Невскийн одонт, сансрын нисгэгч, хошууч генерал Ж.Гүррагчааг хүлээн авч уулзан хүндэтгэл үзүүлжээ.

Уулзалтын үеэр МУИС, ШУА, Монголын сансрын технологийн холбоо хамтран боловсруулсан сансрын технологийг хөгжүүлэх төслийг танилцуулсан байна.

Ерөнхий сайд Л.Оюун-Эрдэнэ “Хэдийгээр сансар судлалын чиглэлээр чамгүй зүйл хийсэн ч алдсан боломжоо нөхөхийн тулд томоор харж ажиллах цаг болсон” талаар уулзалтын үеэр хэлсэн аж.

Үүнтэй холбоотойгоор сансрын технологийг хөгжүүлэх зорилгоор Үндэсний зөвлөл ажиллуулах, бодлогын баримт бичиг, төлөвлөгөө боловсруулах Ажлын хэсэг байгуулахаар шийдвэрлэжээ. Мөн тэрбээр сансрын технологийн цогцолбор төвийн зураг төсөл боловсруулах хиймэл дагуул бүтээх болон хамтарсан төслүүдийг дэмжихэд бэлэн байгаа гэлээ.

 О.БАТ-ЭРДЭНЭ