Зэвсэгт хүчин үүсэж хөгжсөний 100 жилийн ойн өдөр Монголын цэрэг, армийн гарамгай зүтгэлтэн, Халх голын Залуу жанжин Жамъянгийн Лхагвасүрэнгийн хөшөөнд цэцэг өргөх ёслол боллоо. Цэцэг өргөх ёслолд БХЯ-ны төлөөлөл, Жанжны үр хүүхдүүд, төрөл садан, ач зээ нар оролцож, хүндэтгэл үзүүлэв.

Бүх цэргийн жанжны орлогч, Батлан хамгаалахын сайд агсан хурандаа генарал Ж.Лхагвасүрэн агсны охин Л. Лхагвадулам хэлэхдээ “Бид жил бүр аавынхаа гэгээн дурсгалыг хүндэтгэдэг уламжлалтай. Миний аав Батлан хамгаалах салбарт насаараа зүтгэсэн. 1959-1969 он хүртэл 10 жилийн хугацаанд сайдын албыг хашсан. Түүний өмнө 1949 онд армийг татан буулгаад байсан юм. Тэр үед аав маань ажилгүй хоцорсон олон зуун албан хаагчийг ажилтай болгох ажлыг зохион байгуулж, ажилсан гэж түүхчид ярьдаг. Мөн шинэ үе шатлалаар арми зохион байгуулсан. Тэр үеэс орчин үеийн мотобуудлагын арми, зэвсэгт хүчний суурийг тавьсан” гэв. “Засаг төр тогтворвой байвал эх орон хөгжинө. Хоёр хөрштэйгөө найрамдалтай ажилж, амьдраасай гэж хүсэж байна” хэмээн Жанжны хүү Л.Лхагваа хэлж байв.