Монгол Улс НҮБ-д анх 1961 оны аравдугаар сарын 27 нд элсэж байсан бөгөөд өдгөө 60 жилийн ой түүхэн өдөр тохиож байгаа юм. 

       1946 оны зургаадугаар сарын 21-ны өдөр БНМАУ-ын Засгийн газар өөрийн улсыг НҮБ-ын гишүүнээр элсүүлэх хүсэлтийг НҮБ-ын тухайн үеийн Ерөнхий нарийн бичгийн дарга руу явуулжээ.

      НҮБ-ын Ерөнхий нарийн бичгийн дарга нарын газар БНМАУ-ын өргөдлийг 1946 оны зургаадугаар сарын 24-нд хүлээн авч, мөн зургаадугаар сарын 27-нд хэвлэлд нийтэлж, Аюулгүйн Зөвлөлийн шинэ гишүүн элсүүлэх асуудал эрхэлсэн комисс 1946 оны наймдугаар сарын 6-нд авч хэлэлцээд, наймдугаар сарын 12-ны Азийн хаалттай хуралдаанаас Монголын тухай нэмэлт материал шаардлагатай хэмээн үзэж, хариу авах таван асуулт гаргаж, төлөөлөгчөө ирүүлэхийг манай Засгийн газарт хүсэлт болгожээ. Хорооны ээлжит хуралдаан 1946 оны зургадугаар сарын 28-ны Даваа гаригт хуралдаад тэрхүү хуралдаанаас БНМАУ-ын тухай мэдээлэл авах нь зүйтэй гэж үзсэн байна. Тэр үед:               

        БНМАУ-ын Засгийн газар эрх бүхий төлөөлөгчдөө томилон АНУ-ын Нью-Йорк хотод ирүүлэх болон өөр таван асуудалд хариулт өгөхийг уламжлан хүссэн байдаг.                                                 

       НҮБ-ын гишүүн болох БНМАУ-ын хүсэл эрмэлзэл биелэж, 1961 оны аравдугаар сарын 24-ний лхагва гарагийн орой 971 дүгээр хуралдаанд Аюулгүйн Зөвлөл БНМАУ-ын хүсэлтийг арван гурав дахь удаад хэлэлцэж, НҮБ аль орны тухай эхэлж хэлэлцэх талаар маргалдсаны эцэст БНМАУ-ыг НҮБ-д элсүүлэх асуудлыг эхлэн хэлэлцэх болсон юм.

        НҮБ-ын Ерөнхий Ассамблейн 1961 оны аравдугаар сарын 27-ны өдрийн хуралдаан дээр БНМАУ-ыг НҮБ-ын гишүүнд элсүүлэх тухай Аюулгүйн Зөвлөлийн дээрх тогтоолыг бүх гишүүн улсын нэрийг дуудах журмаар санал хураалт болж олонхын саналаар баталсан байна.

         БНМАУ НҮБ-д элсэх үйл ажиллагаанд тухайн үеийн ГХЯ-ны нэгдүгээр орлогч сайд, профессор Д.Цэвэгмид тэргүүтэй, Б.Жаргалсайхан, Б.Дашцэрэн, О.Дамдиндорж, Б.Орсоо, Б.Ванчин-дорж нар оролцжээ.

Д.ЦЭДЭВСҮРЭН