Сүхбаатар аймгийн Уулбаян сумын Баян багийн Дөрвөлж гэх газраас Иргэн Б-нь гуравдугаар сарын 14 ний өдрийн 20:00 цагийн орчимд гэрээсээ явганаар гараад сураггүй алга болсон эмэгтэйг олжээ. Сураг тасарсан эмэгтэй Б нь 35 настай бөгөөд сэтгэцийн эмгэгтэй аж.

Сүхбаатар аймгийн Онцгой байдлын газрын аврах баг, Уулбаян сумын цагдаагийн алба хаагчид болон ар гэрийнхэн нь эрэн хайх ажилгааг эхлүүлж, үр дүнд хүрээгүй учир гуравдугаар сарын 15-ны 21:30 цагт эрлийг түр зогсоожээ. Улмаар гуравдугаар сарын 16-ний 06:00 цагаас эхлэн эрэн хайх ажилгаагаа үргэлжлүүлж, тус өдрийн 11:45 цагт Тэгш багын “Дунд сайрын худаг” гэх нутаг буюу сумын төвөөс хойд зүгт найман км-т байх газраас эсэн мэнд олжээ. Тухайн эмэгтэй хүчтэй шуурганд төөрч, дээрх газарт айлын гэрт очсон байжээ.

Д.Цэдэвсүрэн