Монгол цэргийн нэгдсэн холбоo, Отгонтэнгэр их сургуультай хамтран, EБС-ийн төгсөх ангийн сурагчдын дунд “Эрхмийн дээд монгол эр хүн” сэдэвт эсээ бичлэгийн уралдаан зарлажээ.

 Уралдааны шагнал гардуулах ёслол цахимаар болж 3000 гаруй эсээ ирсэн байна. Тэргүүн байранд Сэлэнгэ аймгийн Түнхэл сумын ерөнхий боловсролын сургуулийн 12а ангийн сурагч Б.Эрхэм-Эрдэнэ, дэд байранд Хэнтий аймгийн “Хан Хэнтий Цогцолбор” сургуулийн 12 дугаар ангийн сурагч Г.Эрдэнэтөгс, Чингэлтэй дүүргийн тэргүүний 61 дүгээр сургуулийн 12б ангийн сурагч Б.Ариунтуяа нар шалгарчээ.

Сурагчдын бүтээлийг  охид, хөвгүүд “Эр хүн” гэдэг ойлголтыг “Эр цэрэг”, “Эх орон” гэх ойлголттой нягт холбон ойлгож, өөрсдийн мэдлэг чадвар, оюун ухаан, авьяас билгээ сорьсон сонирхолтой бүтээлүүд ирүүлсэн байна хэмээн шүүгчид онцлон дурьдсан юм.

Түүнчлэн эхний 15 байр эзэлсэн сурагчдыг Отгонтэнгэр Их Сургуулийн “Багш-гадаад хэлний боловсрол, Сэтгүүлзүйн хөтөлбөр”-т эхний жил 100 хувийн тэтгэлэгтэй суралцах гурван сая төгрөгийн эрхийн бичгээр шагналаа.