Токио-Улаанбаатар чиглэлийн тусгай үүргийн онгоц өнөөдөр “Буянт Ухаа” олон улсын нисэх буудалд 20:25 цагт газардах хуваарьтай байна.

Тус онгоцоор АНУ, Япон Мьянмар, Өмнөд судан, Ардчилсан Конго, Тайландаас 145 иргэн эх орондоо ирнэ. Эдгээр иргэдийн 114 нь бусад хүндэтгэн үзэх шалтгаантай, 24 нь бага насны хүүхэдтэй гэр бүл, гурав нь эрүүл мэндийн шалтгаантай, нэг нь өндөр настан, гурав нь жирэмсэн иргэн байгаа юм. Иргэдийг Намуун, Ворлд, Монголиа, Кентавр зочид буудалд тусгаарлана гэж УОК-ын Шуурхай штабаас мэдээллээ.