Шуурганы улмаас Архангай аймагт нэг, Дундговь аймагт найман иргэн амиа алдлаа

Архангай, Булган, Баянхонгор, Говь-Алтай, Говьсүмбэр, Дундговь, Өвөрхангай, Өмнөговь, Завхан, Увс, Төв, Хөвсгөл, Сүхбаатар, Дорнод аймгийн 51 суманд энэ сарын 13, 14-нд цаг агаарын гамшигт үзэгдлийн улмаас нийт 586 хүн сураггүй болсон. Үүнээс аймаг, орон нутгийн Онцгой байдлын алба хаагчид 565 хүнийг эсэн мэнд олжээ. Өнөөдөр 13:00 цагийн байдлаар 12 хүнийг үргэлжлүүлэн эрэн хайж байна.

Мөн  салхи шуурганы улмаас Архангай аймагт нэг, Дундговь аймагт найман иргэн нас баржээ. Түүнчлэн хүчтэй салхины улмаас 58 айлын гэр, 121 хашаа, саравч нурж, 20 байшингийн дээвэр хууларсан талаар Онцгой байдлын ерөнхий газраас мэдээллээ.

Д.Цэдэвсүрэн