Тээврийн цагдаагийн албаны жижүүрийн шуурхай удирдлагын хэлтэст өнгөрсөн амралтын өдрүүдэд 386 дуудлага мэдээлэл бүртгэгджээ. Үүнээс зам тээврийн ослын шинжтэй 268 дуудлага мэдээллийг хүлээн авч шийдвэрлэсэн байна.

Алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 147 зөрчил илрүүлж, хуулийн дагуу хариуцлага тооцжээ.

Бүртгэгдсэн зам тээврийн ослын улмаас долоон хүн гэмтэж, орон нутагт нэг иргэн  амиа алдсан байна.  Тухайлбал, гуравдугаар сарын 10-ны 14:00 цагийн орчимд Архангай аймгийн Эрдэнэмандал сумын Тээл багийн нутаг Хөрөнгө гэх газарт сумын төвөөс 16 км шороон замд Даяун маркийн улсын дугааргүй мотоцикол онхолдож, жолооч нь амиа алджээ.

Д.Цэдэвсүрэн