Хүчтэй шуурганы улмаас ОХУ-ын хилээс нааш 10 км-т 110 кВт-ын с-458 ЦДАШ -ын 216 дугаар тулгуур хугарч унан, аваарын нөхцөл байдал үүссэн тул Баруун бүс нутгийн хэрэглэгчдийн цахилгаан эрчим хүч тасраад байна. Гэмтсэн шугамыг сэргээн босгоход Баруун бүсийн эрчим хүчний систем ТӨХК-ийн зургаан машинтайгаар 34 инженер, техникийн ажилтан, Увс ЦТСүлжээ ХХК-иас гурван машинтай 23 ажилтан нийт 57 хүний бүрэлдэхүүнтэй баг ажиллаж эхэлснийг Баруун бүсийн эрчим хүчний систем ТӨХК-аас мэдээллээ.