Цагдаагийн ерөнхий газрын дэд дарга, цагдаагийн хурандаа Ж.Амгаланг УОК-ын нарийн бичгийн даргаар томилжээ. Тодруулбал, хурандаа Ж.Амгаланг цар тахлын аюулаас сэргийлэх арван сарын хугацаанд мэргэжлийн байгууллагуудтай хамтран үр дүнтэй ажилласан, удаа дараа хөл хорио тогтоож, хэв журмыг сахиулах ажлыг гардан гүйцэтгэсэн туршлагатай гэж үзэн ЦЕГ-ын дэд даргаас УОК-ын нарийн бичгийн даргаар шилжүүлэн томилох шийдвэрийг Шадар сайд гаргасан байна.

Энэ талаар өөрөөс нь тодруулахад “Намайг УОК-ын нарийн бичгийн даргаар томилох шийдвэр гарсан байна лээ. Гэхдээ одоогийн байдлаар би ажлаа хүлээж аваагүй байгаа бөгөөд тушаал, шийдвэртэйгээ танилцаагүй байна” гэлээ.