Баянзүрх дүүргийн 16 дугаар хороо, 25 дугаар байр зургаадугаар давхарт тагтан дээр гал гарч байна гэсэн дуудлагыг өчигдөр 10:52 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид хоёр км замыг туулан 10:55 цагт очиж иргэн С-ийн 3х1 метрийн хэмжээтэй тагтан дээр эд зүйлс шатаж байсныг 10 минут ажиллаж унтраасан. Тус гал түймэрт иргэн Ц /65 настай, эмэгтэй/ угаартсан байсныг НТТТөв 103-ийн эмчид хүлээлгэн өгчээ.

Мөн  Баянзүрх дүүргийн 24 дүгээр хороо, Овоотын тавдугаар гудамжинд байшин шатаж байна гэсэн дуудлагыг 13:39 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид дөрвөн км замыг туулан 13:46 цагт очиж иргэн Э-ын “Төгс мэдлэг” ХХК-ийн мужааны цехийн 60х11 метрийн хэмжээтэй байшингийн дээврийн хэсэг шатаж байсныг 10 минут ажиллаж унтраасан.

Сонгинохайрхан дүүргийн 32 дугаар хороо, Шандын есдүгээр гудамжинд байшин шатаж байна гэсэн дуудлагыг 00:03 цагт хүлээн авсан. Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчид 21.5 км замыг туулан 00:27 цагт очиж иргэн Б-ийн 6х4 метрийн хэмжээтэй байшин шатаж байсныг 10 минут ажиллаж унтраасан.