Олон улсын эмэгтэйчүүдийн эрхийг хамгаалах өдөр гэр бүлийн хүчирхийлэлтэй холбоотой 167 дуудлага Цагдаагийн байгууллагад иржээ. Бүртгэгдсэн дуудлагын дийлэнх нь ахуйн хүрээнд үйлдэгдсэн буюу эхнэр хүүхдээ айлган сүрдүүлсэн, биед нь гэмтэл учирсан дуудлагууд эзэлсэн байна. Мөн нэг гэр бүлийн хүн амины хэрэг гарсан байна.

Тодруулбал, Сэлэнгэ аймагт өчигдөр хүн нас барсан байна гэх дуудлага цагдаагийн байгууллагад бүртгэгдсэн байна. Шалгалтаар Б /эм.48н/ согтуурсан үедээ нөхөр С /эр.50н/-ын хутгалж, амь насыг нь хохироосон хэргийн Сэлэнгэ аймаг дахь цагдаагийн газрын Мандал сум дахь сум дундын цагдаагийн хэлтэс шалгаж байна.

Түүнчлэн баярын өдрөөр эрүүлжүүлэгдсэн хүний тоо өссөн үзүүлэлттэй гарчээ. Тухайлбал, эрүүлжүүлэгдсэн 253, хүний биед халдсан 55, архидан согтуурсан 85, олон нийтийн газар зүй бусаар биеэ авч явсан, танхайрсан 88, оршин суугчдын амгалан тайван байдал алдагдуулсан 117 дуудлага мэдээлэл тус бүр бүртгэгджээ.