Тээврийн цагдаагийн албаны шуурхай удирдлагын хэлтэст өнгөрсөн амралтын өдрүүд буюу хоёрдугаар сарын 27-28-нд нийт 363 дуудлага, мэдээлэл бүртгэгджээ. Үүнээс согтуугаар тээврийн хэрэгсэл жолоодсон 113 зөрчлийг илрүүлж, хуулийн дагуу хариуцлага тооцсон байна. Харин зам тээврийн ослын шинжтэй 271 дуудлага бүртгэгджээ. Ослын улмаас есөн хүн бэртэж, гэмтсэн байна.

Хүн бэртсэн ослыг хэлбэрээр нь авч үзвэл:

• Явган зорчигч мөргүүлэх хэлбэрээр дөрөв
• Мөргөлдөх хэлбэрээр гурав тус тус бүртгэгджээ.

Тээврийн цагдаагийн албанаас архи согтууруулах ундааны зүйл хэрэглэсэн үедээ тээврийн хэрэгсэл жолоодож зам  тээврийн осол гаргасан зөрчлүүд нэмэгдэж байгаа тул иргэд жолооч та бүхэн согтууруулах ундааны төрлийн зүйл хэрэглэсэн үедээ тээврийн хэрэгсэл жолоодохгүй байхыг цагдаагийн байгуууллагаас анхаарууллаа.