Эрүүл мэндийн яамнаас цаг үеийн асуудлаар мэдээлэл хийх үеэр тус яамны ахлах шинжээч Д.Нарангэрэл  вакцинтай холбоотой зөвлөгөө өглөө.

Тэрбээр "Вакцин хийлгэсний дараа хүний биед урвал гардаг. Ингэхдээ шинэ вакцины тухайд 21.5 хувьд нь халуурах, толгой өвдөх, үе мөч өвдөх, ядрах, бие арзайх шинж тэмдэг гарч байна.

Шинж тэмдэг 2-3 хоногийн хугацаанд үргэлжлэх бөгөөд үүнээс дээш  хоног үргэлжилбэл эрүүл мэндийн байгууллагад хандах хэрэгтэй. Ерөнхий биеийн урвал гарч байгаа нь тархлаа тогтож буй сайн хэрэг. Гэхдээ шинж тэмдэг удаан гарвал зайлшгүй эрүүл мэндийн байгууллагад хандах шаардлагатай" гэлээ.