• Өнөөдөр 2021-03-05

Б.БААТАРХҮҮ: Хөл хорионы үед согтууруулах ундаатай холбоотой гэмт хэргийн дийлэнх нь Улаанбаатарт гарсан

2021-02-23,   79

Цар тахлын тархалтын голомтыг хумьж, “Нэг хаалга-Нэг шинжилгээ” аяны хүрээнд иргэдийг шинжилгээнд хамруулахаар хоёрдугаар сарын 11-23 өдөр хүртэл бүх нийтийн бэлэн байдлын зэрэгт шилжсэн. Бүх нийтийн бэлэн байдлын үед Цагдаагийн ерөнхий газарт хоногт 1000 гаруй дуудлага, мэдээлэл бүртгэгдэж байсан юм. Түүнээс согтуугаар тээврийн хэрэгсэл жолоодох, гэр бүлийн хүчирхийлэл, хүний биед халдах, эрүүлжүүлэгдсэн хүмүүсийн тоон мэдээлэл буураагүй юм. 

 Энэ талаар Цагдаагийн ерөнхий газрын Хэвлэл мэдээллийн төвийн дарга, цагдаагийн дэд хурандаа Б.Баатархүүгээс тодруулахад “Хөл хорионы үед архи согтууруулах ундаа хэрэглэсэнтэй холбоотой гэмт хэргийн дийлэнх нь Улаанбаатар хотод гарсан. Нийт гэмт хэргийн 30 гаруй хувийг орон байрны хулгай, дээрэм, танхайрах, зам тээврийн ослын гэмт хэрэг эзэлдэг. Хоёрдугаар сард тогтоосон хөл хорионы үед тус төрлийн гэмт хэрэг буурсан. Хөл хорионы үед архи, согтууруулах ундаа хэрэглэхийг хориглоогүй учир ахуйн архидалт их байлаа. Цар тахлын үед дэлхий нийтээр гэр бүлийн хүчирхийлэлийн гэмт хэрэг 50-70 хувь нэмэгдэж байгаа” гэв.

 


Б.БААТАРХҮҮ: Хөл хорионы үед согтууруулах ундаатай холбоотой гэмт хэргийн дийлэнх нь Улаанбаатарт гарсан
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414