Дархан-Уул аймгийн Дархан сумын 12 дугаар багт Төмөр замын гарамд суудлын автомашин ачааны галт тэргийг мөргөж 1 хүн автомашины төмөр эд ангид хавчуулагдсан байна гэсэн дуудлагыг 11 дүгээр сарын 07-ны 04:42 цагт аймгийн онцгой байдлын газар хүлээн авчээ. Тус аймгийн Онцгой байдлын газрын аврах бүлгийн алба хаагчдыг очиход Дархан-Уул аймгаас Сэлэнгэ аймгийн Сайхан сумын чиглэлд зорчиж явсан иргэн Э-гийн "Prius-30” загварын суудлын автомашин /1 зорчигчтой/ Шарын гол сумаас Дархан-2 өртөөний чиглэлд зорчиж байсан ачааны галт тэргийг мөргөж иргэн С /22 настай, эрэгтэй/ автомашины төмөр хийцэд хавчуулагдсан байсныг эсэн мэнд гаргасан байна.