Үхэр жилийн хаврын тэргүүн сарын шинийн 6-ны Дашнямтай билэгт сайн энэ өдөр Ховд аймгийн Цэцэг сумын харьяат, Жаргалант сумын Бугат багт оршин суух иргэн Б.Отгонпүрэвийн гэр бүл гурван ихрээр бүл нэмжээ. Тодруулбал, Ховд аймгийн Алтай сумын харьяат, Жаргалант сумын Бугат багийн тоотод амьдардаг Б.Оюунгэрэл хоёр хүү, нэг охин төрүүлсэн байна.

2012 онд ихэр охин, 2017 онд хүү төрүүлж байсан бол гурав дахь төрөлтөөрөө гурван ихэр төрүүлж ийнхүү зургаан  хүүхдийн ээж боллоо.Эх хүүхдүүдийн биеийн байдал хэвийн байна. Ихрүүдийг Эх барихын ерөнхий мэргэжилтэн Ц.Нарангэрэл, Төрөх тасгийн эрхлэгч Б.Нансалмаа, тэргүүлэх зэргийн эх баригч Д.Наранхүү, Нярайн эмч Ц.Солонго нараар ахлуулсан баг эх барьж төрүүллээ гэж аймгийн Амаржих газраас мэдээллээ.