• Өнөөдөр 2025-10-26

ХҮНД МЕТАЛЫН АГУУЛАМЖИЙГ ТОДОРХОЙЛОХ ТОНОГ ТӨХӨӨРӨМЖИЙН ХҮЧИН ЧАДАЛ ЕС ДАХИН НЭМЭГДЛЭЭ

      Xөpc, хамгаалах цөлжилтөөс сэргийлэх тухай хууль,“Алсын хараа 2050” урт хугацааны хөгжлийн бодлого, Монгол Улсыг 2021-2025 онд хөгжүүлэх таван жилийн үндсэн чиглэл, Монгол Улсын Засгийн газрын 2024-2028 оны үйл ажиллагааны хөтөлбөрт орчны бохирдлоос урьдчилан сэргийлэх, бууруулах, хамгаалах цогц арга хэмжээг хэрэгжүүлж иргэдийн эрүүл, аюулгүй орчинд амьдрах нөхцөлийг бүрдүүлнэ хэмээн тусгасны дагуу улсын төсвийн хөрөнгөөр“Хөрсний хүнд металлыг тодорхойлох ICP-OES, микродолгионы сорьц задлагч багаж, тоног төхөөрөмж”-ийг худалдан авч Цаг уур, орчны шинжилгээний газрын харьяа Байгаль орчин, хэмжилзүйн төв лабораторид хүлээлгэн өгч боловсон хүчнийг дадлагажуулах ажил явагдаж байна. 

     Энэхүү ажлын хүрээнд 2025 оны аравдугаар сарын 16-19-ны өдрүүдэд ICP-OES, микродолгионы сорьц задлагч багаж, тоногтөхөөрөмжийг суурилуулах, угсрах, шалгалт тохируулгын ажлыг хийсэн ба багаж, тоног төхөөрөмжийг ашиглах сургалтыг 10 дугаар сарын 21-24-ны өдрүүдэд Байгаль орчин, хэмжил зүйн лаборатори болон орон нутгийн бүсийн лаборатори (Дархан-Уул аймгийн УЦУОШТ)-ийн албан хаагчдыг хамруулж зохион  байгуулаад байна.

     Байгаль орчин, хэмжил зүйн төв лаборатори нь Улаанбаатар хотын 100 гаруй, аймгийн төвүүдийн 300 орчим цэгт “Хөрсний чанар, Хөрс бохирдуулагч бодис, элементийн зөвшөөрөгдөх дээд хэмжээ” MNS5850:2019 стандартад заасан хүнд металлуудаас 8 төрлийн хүнд металлын хэмжээг тодорхойлдог байсан бол цаашид агаар, ус, хөрсөн дэх 70 гаруй хүнд металын агууламжийг тодорхойлох боломжтой орчин орчин үеийн дэвшилтэт төхөөрөмжийг нэвтрүүллээ.й


ХҮНД МЕТАЛЫН АГУУЛАМЖИЙГ ТОДОРХОЙЛОХ ТОНОГ ТӨХӨӨРӨМЖИЙН ХҮЧИН ЧАДАЛ ЕС ДАХИН НЭМЭГДЛЭЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188