Үүсээд байгаа асуудал дээр УИХ-ын гишүүн асан, хуульч О.Баасанхүү мэдээлэл өглөө.

Тэрбээр “Маргааш Үндсэн хуулийн цэцээс Үндсэн хууль зөрчсөн эсвэл зөрчөөгүй гэдэг ямар нэгэн дүгнэлт гаргах байх. Тиймээс дүгнэлт гарахаас өмнө миний хувьд ямар нэгэн мэдээлэл өгмөөргүй байна. Үндсэн хуулийн Цэцийн хараат бус байдалд нөлөөлөх шаардлагагүй гэж үзэж байгаа юм. Монгол Улсын Ерөнхийлөгчийн тавьсан хорог тавьсан. Үүнийг хүлээж авах юм бол УИХ-ын дарга хүчинтэй юу гэж иргэд асууж байна. Хүлээж авах эсэх асуудал гурав хоног дотор шийдэгдэх ёстой. Хэрэв хүлээж авсан тохиолдолд УИХ-ын даргын чөлөөлөх санал хүчинтэй болохгүй. Учир нь, Монгол Улсын Ерөнхийлөгч 95 дугаар тогтоолд хориг тавьсан. Тэрнээс биш УИХ-ын бүх шийдвэрт хориг тавьсан. Тэгэхээр 95 дугаар тогтоолын хүрээнд л яригдана гэсэн үг. Өмнөх өдөр нь ирц 65 хүрээд, чуулганы хуралдаан эхлээд түр зогссон бол маргааш нь тухайн өдрийн ирцээр явдаг. Хэрэв 65 хүрээгүй байхад  хуралдаан эхлүүлэхийг оролдоод дараагийн өдөр нь болсон бол дахин 10:00 цаг хуралдааныг зарлаад ирцийг хуульд заасан хугацаандаа хүргэдэг. УИХ-ын дарга дээр яагаад хориг тавиагүйг асууж байна. Хоёр шалтгаан байгаа. Эхнийх нь огцорсон, огцрох асуудал бол Үндсэн хуулийн асуудал гэж заасан. Нөгөөх нь чөлөөлөгдсөн. Чөлөөлөгдөх асуудал нь Үндсэн хуулийн асуудал биш. Учир нь, тухайн хүн сайн дурын үндсэн дээр чөлөөлөгдөх хүсэлтээ өгсөн. Ерөнхийлөгчийн хувьд чөлөөлөгдөх асуудал дээр хориг тавиагүй, тавьсан бол албадсан болно. Ерөнхийлөгч өөрийн үзэмжээр аль ч тогтоол дээр хориг тавьж болно, заавал бүгд дээр нь тавьдаггүй” гэв.