Улсын хэмжээнд өнгөрсөн долоо хоногт нийслэлийн найман дүүрэг, 18 аймгийн 44 суманд аюулт үзэгдэл, ослын  121 удаагийн дуудлага бүртгэгджээ. Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 7 иргэний амь насыг авран хамгаалж, 46 иргэнийг утаажилтын бүсээс гаргаж, аюулгүй байдлыг ханган ажилласан байна.

    Нийт дуудлагын 79 хувь буюу 96 нь объектын гал түймэр, долоон хувь буюу ес нь ой хээрийн гал түймэр, 12 хувь буюу 15 нь хүний үйл ажиллагаатай холбоотой осол, үлдсэн хувь буюу нэг нь биологийн гаралтай аюулт үзэгдэл тус тус байна.