ШУА-ийн Одон орон, геофизикийн хүрээлэнгээс гаргасан анхан шатны мэдээллээр 21:14:40 цагт /Улаанбаатар хотын цагаар/ Ховд аймгийн Зэрэг сумаас баруун зүгт 19 км-ийн зайд 3.9 магнитудын хүчтэй газар хөдөллөө. Газар хөдлөхийг нутгийн иргэд мэдэрсэн байна. Тухайлбал, зарим иргэдийн толгой эргэж дотор муухайрах, гэрлийн бүрхүүл савлах, машин байшин мөргөх мэт доргилт мэдрэгдсэн гэдгийг  нутгийн иргэд хэлж байна. Нарийвчилсан мэдээлэл гаргахаар мэргэжлийн байгууллагууд ажиллаж байна” гэж Ховд аймгийн Одон орон, геофизикийн хүрээлэнгээс мэдээллээ .