Энэ сарын 23-наас үйлчилгээний бүх байгууллагыг хэвийн ажиллуулахаар бэлтгэж байна

Б. Бадралмаа:
Монголчуудын амьдрал- Мэдээ мэдээлэл

2021-02-15, 704

Коронавирусийн халдвар гарсантай холбоотой Сар шинийн баярын өдрүүдэд нийслэлийн хэмжээнд Бүх нийтийн бэлэн байдлын зэрэгт, орон нутагт өндөржүүлсэн бэлэн байдлын зэрэг зарласан билээ. Тодруулбал, энэ сарын 11-23-ны хооронд зайлшгүй ажиллах 14 байгууллагаас бусад байгууллагын үйл ажиллагааг түр хориглож, нийслэлийн иргэдээс шинжилгээ авах ажлыг зохион байгуулахаар болсон. “Нэг-хаалга нэг-иргэн” шинжилгээнд нийт 40 мянга гаруй иргэнийг хамруулах төлөвлөгөө гаргасан бөгөөд өнөөдрийн байдлаар 143300 иргэнээс шинжилгээ аваад байгааг Эрүүл мэндийн яамнаас мэдээллээ.

Нийслэлийн иргэдийг шинжилгээнд хамруулж дууссаны дараа хөл хориог цуцалж, аж ахуйн нэгжийн үйл ажиллагааг хэвийн явуулах боломжоор хангана гэдгийг УОК-оос мэдээлсэн. Тухайлбал, номын сан, кино театр тэргүүтэй бараг бүх аж ахуйн нэгж, байгууллагын үйл ажиллагааг бүрэн зогсоосон. Мөн цэцэрлэг, сургууль зэрэг бүх шатны сургалтын байгууллагын танхимын үйл ажиллагааг түр зогсоож, цахимаар хичээллүүлж байгаа.

Тэгвэл энэ сарын 23-наас хөл хориог цуцалж, үйлчилгээний бүх байгууллагын үйл ажиллагааг эхлүүлэхээр төлөвлөжээ. Ингэхдээ олон хүн цугладаг үзвэр, үйлчилгээний газруудыг талбайн нийт хэмжээний 25 хүртэлх хувьд хүн төвлөрүүлэх төлөвлөгөө гаргах чиглэл өгөөд байгаа аж.

Мөн гуравдугаар сарын 1-нээс танхимын бүх сургалтыг эхлүүлэх талаар Боловсрол, шинжлэх ухааны сайд Л.Энх-Амгалан мэдээлсэн. Тэрбээр “Нийслэлийн зарим ерөнхий боловсролын сургуулийг шинжилгээ авах төв болгон ажиллуулж байгаатай холбоотой сургуулиудад ариутгал, халдваргүйтэл хийх зэрэг зохион байгуулалтын ажлууд бий. Тиймээс бүх шатны сургалтын байгууллагын үйл ажиллагааг ирэх сарын 1-нээс эхлүүлэх санал гаргасан” гэх мэдээлэл өгөөд буй.

Энэ сарын 23-наас үйлчилгээний бүх байгууллагыг хэвийн ажиллуулахаар бэлтгэж байна

Шинэ мэдээ

Нийтлэлчид