Нийслэлийн цагдаагийн удирдах газраас хоёр настай хүүхдийн цогцсыг олсон талаар мэдээлэл хийлээ. Тус газраас "Өнөөдөр 16:00 цагийн орчим эрэн хайж байсан хоёр настай хүүгийн цогцсыг алга болсноос дөрвөн км орчим газраас олсон байна. Цагдаагийн байгууллагаас анх эрэн хайх ажиллагаа, мөрдөн шалгах ажиллагааг хуульд заасан дүрэм журмын дагуу хэрэгжүүлэн ажилласан. Одоогийн байдлаар хэргийн газрын хамгаалалт аваад, мөрдөн шалгах ажиллагаа үргэлжилж байна. Хүүгийн цогцост үзлэг, шалгалт хийж байгаа" гэв.