Хөвсгөл аймгийн Тариалан суманд сураггүй болсон хоёр настай хүүгийн цогцсыг олжээ. Энэ талаар Цагдаагийн ерөнхий газраас тодруулахад "Хүүгийн цогцсыг олсон нь үнэн" гэж мэдэгдсэн. Эрлийн баг хүүг ес дэх хоног дээрээ хайж байсан бөгөөд цогцсыг нь анх алга болсон газраас 3-4 км зайтай газраас олсон байна. Хэргийн газарт цагдаагийн хамгаалалт авч, шалгалтын ажиллагааг үргэлжлүүлж байгаа юм байна.