• Өнөөдөр 2025-09-24

Өсвөрийн ДАШТ-д Монголын 27 шатарчин өрсөлдөж байна

2025-09-24,   64

Казахстаны Алматы хотноо өсвөрийн шатарчдын дэлхийн аварга шалгаруулах тэмцээн өрнөж байна. U8, U10, U12 насны ангиллаар зохион байгуулагдаж буй энэ удаагийн тэмцээнд 87 орны 800 гаруй өсвөрийн шатарчид оюун ухаанаа уралдуулж буйгаас Монгол Улсаас таван дасгалжуулагчийн удирдлага дор 27 тамирчин оролцож байна.

Эхний таван өргийн дараах байдлаар манай охидын ангилалд амжилттай тоглож, тэргүүлэгчдийн эгнээнд багтаж эхэллээ. Тухайлбал, охидын 10 насанд Ч.Нандинжигүүр 5.0 оноотой хоёрдугаар байрт бичигдсэн бол охидын 12 насанд И.Цэлмүүн, Н.Энхрийхэн нар тус бүр 4.0 оноогоор 6-7-р байр эзэлж байна. Харин хөвгүүдийн ангилалд ч мөн манай төлөөллүүд эхний 10-т багтаж эхэллээ.

Тэмцээний зургаа дахь өргийн тоглолт өнөөдөр болох бөгөөд “Алматы-2025” өсвөрийн шатарчдын дэлхийн аварга шалгаруулах тэмцээн энэ сарын 30-нд өндөрлөх юм.


Өсвөрийн ДАШТ-д Монголын 27 шатарчин өрсөлдөж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.