2025-2026 оны өвлийн улиралд борлуулагдах мидлинг буюу сайжруулсан шахмал түлш, мөн импортынн хагас коксон шахмал түлшний талаар НЗД-ын нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин мэдээлэл өглөө.

Тэрбээр “Олон нийтийн сүлжээнд хагас коксон түлш хэрэглээд их хэмжээний тортог гарсан байна гэдэг шүүмжлэл гарчээ. Хагас коксон шахмал түлш буюу жигнэсэн нүүрсийг хараахан борлуулж эхлээгүй байна. Уг түлшийг ирэх сарын 1-нээс эхлэн борлуулна. Ойрын өдрүүдэд дүүрэг, хороод айл өрхийн янданг хөөлж байгаа. Хөөлөх явцад хөө, тортог унана. Үүнийг хагас коксон түлшээс гарч байгаа мэтээр ташаа мэдээлэл өгсөнд харамсалтай байна. Хагас коксон түлшийг борлуулж эхлэхээр иргэд сайжруулсан шахмал түлштэй харьцуулан хэрэглэх боломж бүрдэх юм. Тэр үед дүгнэлт хийгээсэй гэж хүсэж байна. Хагас коксон түлшний шатах хугацаа урт байдаг. Долоо хоногт долоон шуудай сайжруулсан шахмал түлш хэрэглэдэг айл 4-5 шуудай хагас коксон түлш хэрэглэнэ гэж тооцсон” гэв.