Монголын үндэсний бөхийн холбооноос өчигдөр Сар шинийн барилдааныг үзэгчгүйгээр Говь-Алтай аймагт зохион байгуулах саналаа хүргүүлсэн. Энэ талаар Шадар сайд С.Амарсайхан  "Бид Сар шинийн уламжлалаа хадгалах ёстой. Гэхдээ энэ цаг үед бүх нийтийн хөл хорио тогтоосон байхад нэг хэсэг нь гэртээ байхад нөгөө хэсэг нь үйл ажиллагаа явуулах ялгаа гарахгүй.  Цахимаар зохион байгуулах ямар боломж байгааг харсан ч цаг хугацаа шаардлагатай. Бөхийн барилдааныг дараа нь  зохион байгуулж болно" гэсэн юм.

Монголын үндэсний бөхийн холбооноос Сар шинийн барилдааныг хоёрдугаар сарын 11-ний өдөр үзэгчгүйгээр улс, аймгийн цолтой 128 бөх барилдуулах шийдвэр гаргасан ч цар тахлын нөхцөл байдал хийгээд хөл хорио тогтоохтой холбоотойгоор энэ шийдвэрийг УОК-оос цуцалсан юм.