Төв аймгийн Батсүмбэр сумын нутагт байрлах Ахмад настны үндэсний төвд амьдарч байсан 62 настай Т осгож, амиа алджээ. Тодруулбал, өнгөрсөн нэгдүгээр сарын 3-нд талийгаач Т хог асгахаар яваад зүрх нь хаагдаж нас барсан байна. Харин асрамжийн газрынхан талийгаачийг  нас барсныг нэг хоногийн дараа мэдсэн гэх мэдээлэл гараад буй. Тэгвэл ХЭҮК Төв аймгийн Батсүмбэр сум дахь Ахмад настны үндэсний төвд асруулагчдын эрхийн хэрэгжилт, тус төвийн коронавируст халдвараас урьдчилан сэргийлэх, тэмцэх хүрээнд авч хэрэгжүүлж байгаа үйл ажиллагаанд хяналт, шалгалт хийж байна.

Шалгалтын Ажлын хэсгийг ХЭҮК-ын гишүүн Б.Энхболд удирдаж, өнөөдөр тус төвд асруулагчдаас санал асуулга авах, хоол хүнс бэлтгэх хэсэг, амьдрах орчин, харилцаа хандлага зэрэг нөхцөл байдалтай биечлэн танилцаж, ахмад настны эрхийн хэрэгжилтийг шалгалаа. Мөн коронавируст халдвараас урьдчилан сэргийлэх, тэмцэх хүрээнд НҮБ-ын Хүний эрхийн дээд комиссарын газраас өгсөн “Ковид-19” зөвлөмж, Эрүүдэн шүүхийн эсрэг дэд хорооны зөвлөмжүүдийн хэрэгжилтийг хянаж байна.